Röwşenbek Rozmetow Ukrainany, urşuň başky günlerinden bäri, russiýaly agressorlardan goraýar. Türkmenistanly Ukrainada sowet döwründen bäri ýaşaýar. Ol Ukrainada özüniň geljekki aýalyna hem sataşdy. Onuň bu ýurtda iki çagasy dünýä indi. “Kanun maňa ýetginjek ýaşyna ýetmedik üç çagamy hem alyp, Ukrainadan çykmaga mümkinkçilik berýärdi. Emma men muny etmedim, muny amal edip bilmezdim... Bu meniň aýalyma we çagalaryma garşy edilen dönüklik bolardy” diýip, Röwşebek aýdýar. Röwşenbek Rozmetow Grigoriý Pyrlikiň “На своей земле” (“Öz topragynda”) diýen dokumental filminiň gahrymanlarynyň biridir. Bu kino Russiýanyň Ukraina garşy başladan doly gerimli urşunyň dowamynda, Ukrainada ýaşamagyny dowam etdirýän migrantlar barada gidýär. Kinonyň doly görnüşini “Настоящее Время. Азия” (“Häzirki Zaman.Aziýa”) tele-kanalynyň YouTube kanalynda tomaşa etse bolýar.